GITAMBAKAN sa Northern Division team ang Southern Division team sa
puntos nga 70-63 sa nahitabong 9th Governor’s Cup 2014 All Star game
niadtong Mayo 12 nga gipahigayon sa Lope Asis Memorial Gymnasium sa
Bayugan City, Agusan del Sur.
Unang naka-puntos ang Southern
division team tungod sa free throw nga gihatag ni number 8 Jose Jhanmar
Noval sa San Francisco Magdiwata.
Apan wala magpalupig ang
Northern Division ug gibawi dayon ang labaw nga puntos tungod sa 3
point-shot ni Christian Felicilda sa Bayugan Grains nga gisundan pa kini
og 2 ka puntos ni Kenneth John Asis human nabawi ang bola kang Gerald
Mikko Apit sa San Francisco Magdiwata.
Gidugangan sa 2-point shot ni Noval ang ilang puntos human sa sunod-sunod nga free throw nga ilang naangkon. Gisundan gilayon kini ni number 18 Mark Hurtado sa Trento Organix.
Labihan kainit ang maong dula diin natapos ang first period sa iskor nga 19-19.
Sa ikaduhang kanti sa dula, nangusog ang Southern Division team sa ilang pag-atake ug sagunson ang nakuhang mga puntos. Natapos ang first half sa iskor nga 35-36 nga pabor sa team sa Southern division.
Apan bisan sa 3rd period, labaw gihapon ang Southern division sa iskor nga 51-52.
Naghugyaw ang tanang manan-away tungod sa dikit ug maka-undang gininhawa nga away sa duha ka team.
Samtang, sa 4th period sa dula, gipasaka na sa ikaduhang lebel sa point guard sa Bayugan Grains nga si Asis ang iyang abilidad, diin sa nabilin nga 4 ka minuto
Ug 35 segundo, labaw na og usa ka puntos ang Northern Division team sa iskor nga 61-60.
Mas mitaas pa og lima ka puntos ang lamang sa Northern Division team pag-abot sa nabilin nga usa ka minuto ug 41 segundo sa iskor nga 68-63
Diha-dihang nakadawat og P30-mil nga cash prize ang Northern Division Team nga mao’y nahimong kampeonato ug P20-mil cash prize usab ang nadawat sa Southern Division team. (JOSEPH IAN ONYOT/PPIO-AGSUR)
Photo courtesy of PPIO-Agusan del Sur
Post a Comment